[咖啡師問你加唔加Cream嗰下真係好掙扎！] 減肥係咪唔飲得咖啡？

一提起咖啡，唔知大家係咪會諗起好多cream、好多糖、好邪惡個種呢，可能正正因為咁，周不時我都會遇到啲客人用一個好驚訝嘅眼神問我：下，乜飲得咖啡架咩？！

單單一杯black coffee其實只有大約5-15 kcal，而杯咖啡肥唔肥主要係取決於落左幾多糖、調味劑、cream以及奶，有機會可以去到500 kcal咁多架。

咁係咪代表只可以飲齋啡呢？當然唔係啦，例如latte/cappuccino都係一啲好健康嘅選擇，製法就係以一杯espresso加入牛奶，分別就係latte比例上奶會多少少，cappuccino就會有泡。卡路里來源主要都係黎自杯奶，所以揀奶時就要留意喇，你唔同咖啡師講明，佢地就會用全脂奶幫你沖，只要你要求轉脫脂奶，卡路里就會低左60－80 kcal，視乎番本身杯咖啡嘅大小。一杯grande size嘅skim milk cappuccino只係得80 kcal架咋。至於點解有啲咖啡會有成500 kcal咁多，就係因為除左全脂奶，仲額外加左好多cream、糖漿、朱古力粉、綠茶粉，夾夾埋埋足足一餐正餐嘅熱量架喇！