• 香港大學食物及營養科學學士

• 曾參與香港大學生物科學學院關於低碳飲食可否治療妊娠糖尿病的研究

• 曾與HK Bio Tek 合作，為想凍齡人士設計抗氧化餐單

• 曾於香港大學公共衛生學院參與有關吸煙、飲食習慣及健康的研究工作

• ⁠ 曾參與紅十字會，推廣健康飲食知識

• 曾為社區中心舉辦工作坊，推廣健康抗氧化飲食

• 曾舉辦線上講座，拆解不同飲食法及解讀營養標籤，推廣健康飲食文化

​

Abby的話：
我認為我係親切、體貼、善於傾聽嘅營養師。

點解會想做營養師？一方面好多客人都會因為覺得自己肥冇自信，另一方面佢哋會覺得減肥只可以食白烚嘅嘢。培養一個健康嘅飲食係要有彈性同埋享受，所以希望透過我嘅意見同溝通，客人會多啲欣賞自己同埋建立到一個適合自己而且持久嘅飲食習慣！

細個嘅時候曾經患有厭食症，深深咁明白到飲食習慣唔係食嘢咁簡單，而係同環境因素、壓力甚至係自我評價有莫大嘅關係。係治療飲食失調嘅過程中，係我首次接觸到營養師，佢幫咗我好多，個一刻開始就想做營養師喇！

未來希望想接觸到一啲有飲食失調嘅客人。雖然要哩類嘅客人對飲食唔再恐懼，甚至培養一個適合自己而又健康嘅飲食習慣係需要比較長嘅時間，但係見到佢哋心理同飲食習慣上有改變，有莫大嘅滿足感！另外亦都想多啲接觸大眾，宣揚營養知識之餘，亦都希望佢哋了解到營養師唔單只幫人減肥咁簡單！

​

​