• 香港中文大學食物及營養科學學士

• 曾參與中大MOMmy-CD (在克隆氏症組別和健康組別中，母嬰間病毒組、真菌微生物和代謝物組的傳遞研究)營養延伸研究

• 曾參與N-Crisps 港大 ･ 新 ･ 心血管疾病風險因素普查

• 曾於賽馬會「醫·家·營」健康及營養支援計劃擔仼健康大使，提供健康評估及營養諮詢

 

 

Kirby的話：

我係營養師Kirby，我會用最科學貼地嘅方式管理好你嘅body，幫你食得 healthy，減得 happy！

我平時鐘意周圍發掘好食嘅餐廳，帶屋企人朋友去食。細細聲同你講：我仲有個特別嘅癖好——行街市買海鮮，真係好行過海洋公園！有次買魚買到被檔口阿姐認錯做批發商⋯⋯我就諗，不如將呢份熱情變成職業啦！

由細到大，我都係「食極唔肥」嘅代表，相信大部分人都想有呢種體質(或者好想打我XD)，但有苦自己知，增磅對我嚟講都幾大挑戰。呢件事令我體會唔可以將自己嗰套思維強加落其他人身上，應該設身處地了解每個人嘅困難，呢點對營養師好重要。

我最希望幫到大家喺控制體重之餘，都可以保持食嘢嘅樂趣。因為食物本身就係一樣令人開心幸福嘅嘢！所以與其叫你呢樣唔食得、嗰樣唔食得，不如同你講邊樣食得！因為要培養持久嘅飲食習慣，首要條件係你唔抗拒嗰種食物。