特級初榨橄欖油唔煮得餸？原來係可以架！

橄欖油健康就應該大家都知架喇，可能你又會聽過人講：「橄欖油撈沙律就得，唔可以攞黎煮餸架。」事實又係唔係咁呢？

橄欖油主要可以分為幾種，特級初榨 (Extra virgin)、初榨 (Virgin) 以及精煉 (Refined)，精煉的通常會標榜可以用黎煮餸，而特級初榨同初榨就攞黎撈沙律，呢個應該係大眾、以及我自己一直以黎嘅見解。但原來2018年有本科學雜誌刊登咗一份有關煮食油嘅研究，內容提及到特級初榨橄欖油經過高溫處理後，所釋放的反式脂肪及極性化合物 (polar compounds)，比起其他受測試的食用油 (如：葵花籽油、芥花籽油、葡萄籽油、花生油等等) 都明顯較少，可見特級初榨橄欖油在高溫底下的氧化穩定性仍然算高。

根據呢份研究報告，大家亦唔洗過份擔心用初榨橄欖油黎煮餸會釋出有害物質，仲可能好過你本身用緊嘅個支油添。

#今日的我打倒昨日的我 #但都係源於對科學求真的精神姐

>了解更多營伴健康管理服務計劃<