膽固醇就聽得多，植物固醇又係乜東東，佢又同膽固醇有咩關係? 等註冊營養師話你知啦。植物固醇與膽固醇嘅化學結構好相似，但又唔會被人體吸收，所以就可以阻擋腸道吸收膽固醇，從而降低血液中的膽固醇水平，非常適合一啲關注心血管健康嘅人士。
根據歐洲心臟學會的資料顯示，每日攝取2克植物固醇，可有效降低壞膽固醇水平，並不會影響好膽固醇水平。
天然嘅食物例如蔬果、果仁、種籽、豆類及植物油都含有植物固醇，但份量就唔多，如果想每日都食夠2克植物固醇，就可能要係市面上買一啲添加左植物固醇嘅產品喇。例如一啲乳酸飲品及豆奶。
想降膽固醇，其實仲要配合埋良好飲食習慣同運動，越多方面同時配合，先可以最大化效果架嘛！